香港新浪網 MySinaBlog
« 上一篇 | 下一篇 »
sifaka | 17th Sep 2007 | 一般 | (441 Reads)

近期其中最惹火的部門相信都係影視處,佢地郁下要人帶套帶袋的笑話已經成為國際笑話,但係我又見到有d廣告其實意識重差啦,又唔見佢地郁手,更奇怪的是,有的市民好似好熱衷於投訴,連d世界著名藝術品都唔放過,但係亦唔聽到有咩人投訴果d廣告,唉,香港人…真係唔知諗緊咩?

首先,係d樓盤廣告,成日標榜自己甚麼宮廷氣派、身份顯赫,最近果個仲搵個環姐响度走來走去,都唔知做咩?住屋啫,點解都要搞到外國月亮始終係圓d咁?中國人崇洋媚外,已經病入膏肓,唔使佢地再落藥啦!果班所謂愛國地產商,點解唔攞d中式建築來做賣點?我地的四合院好失禮咩?我地座故宮又會輸俾d歐洲皇宮咩?愛國?到底愛邊個國先?講真,絕大部份香港人買樓主要睇值幾多,理你層樓系咩貓樣!如果同你講,你買完之後,樓價直插,話之你真係皇宮,相信都唔會有人買!

第二係果d瘦身廣告。我認為呢d意識最差,世人身材各異好正常,點解我地可以接受佢地傳播的意識,人肥等於冇自信、冇前途、冇工作、冇朋友…總之就係一件堆填區都唔歡迎的垃圾!總之必須符合佢地的標準,你先算系個人!有冇搞錯呀?咁樣仲唔算身材歧視?平機會死左去邊?點解半句公道話都唔講?將身材同自信拉埋一齊,仲唔算意識不良?如果有肥人因為聽到呢的說話,而去自殺,究竟邊個負責?你地班x身堂、x瘦等人,有冇人夠膽企出來,話我地阿吳儀大姐做人一定冇自信,如果瘦左身,唔止做到呢個位添!其實,我認為做人由朝到晚都剩係注視住自己身材,(除非你係靠佢搵食),都好難係個有自信的人!


[2]

第二類廣告,美國都好多.


[引用] | 作者 譚劍 | 19th Sep 2007 | [舉報垃圾留言]

[1]

當年從北京讀完書回來,看到巴士上的瘦身廣告,突然有種存在物質社會的想嘔的感覺。


[引用] | 作者 芸生 | 18th Sep 2007 | [舉報垃圾留言]